پی آئی اے کا طیارہ امدادی مشن پر مزار شریف پہنچ گیا

مزار شریف . قومی ایئر لائن (پی آئی اے) کا خصوصی طیارہ امدادی مشن پر ورلڈ ہیلتھ آرگنائزیشن (ڈبلیو ایچ او) کی جانب سے مہیا کی گئی ادویات اور دیگر امدادی سامان لے کر افغانستان کے شہر مزار شریف پہنچ گیا ہے۔

سماجی رابطوں کی ویب سائٹ ٹویٹر پر پی آئی اے کی جانب سے جاری پیغام میں پی آئی اے نے کہا ہے کہ یہ انسانی امداد کی عالمی کوششوں کا حصہ ہے۔یہ اپنی نوعیت کا پہلا عالمی امدادی مشن ہے جو امریکی انخلا اور طالبان کے ملک پر کنٹرول کے بعد افغانستان پہنچا ہے۔

افغانستان میں تعینات پاکستانی سفیر منصور احمد خان نے خصوصی فلائٹ کو انسانی امداد کیلئے قائم ایئر برج‘ سے تعبیر کرتے ہوئے پی آئی اے حکام کا شکریہ ادا کیا ہے۔

پی آئی اے کے سربراہ ایئر مارشل ارشد ملک نے اپنی ٹویٹ میں بتایا کہ قومی ایئر لائن کا کا خصوصی بوئنگ 777 کارگو طیارہ ڈبلیو ایچ او کا امدادی سامان لے کر مزار شریف پہنچا ہے۔ایئر مارشل ارشد ملک نے لکھا کہ افغان بھائیوں کی مدد کیلئے یہ افغانستان پہنچنے والی پہلی امدادی فلائٹ ہے۔

٭۔۔۔۔۔۔۔۔۔۔۔۔
نوٹ: قلب نیوز ڈاٹ کام ۔۔۔۔۔ کا کسی بھی خبر اورآراء سے متفق ہونا ضروری نہیں. اگر آپ بھی قلب نیوز ڈاٹ کام پر اپنا کالم، بلاگ، مضمون یا کوئی خبر شائع کر نا چاہتے ہیں تو ہمارے آفیشیل ای میل qualbnews@gmail.com پر براہ راست ای میل کر سکتے ہیں۔ انتظامیہ قلب نیوز ڈاٹ کام