ماضی میں سڑکوں کی تعمیر میں کرپشن کی گئی ،عمران خان

اسلام آباد ۔ وزیراعظم عمران خان کا کہنا ہے کہ آج کم لاگت میں سڑکیں تعمیر ہو رہی ہیں اس کا مطلب ہے ماضی میں سڑکوں کی تعمیر میں کرپشن کی گئی ، ایف آئی اے سے اس معاملے کی تحقیقات کا کہا ہے۔

جھل جھاو بیلہ شاہراہ کی بحالی اور اپ گریڈیشن کا سنگ بنیاد رکھنے کی تقریب سے خطاب میں وزیراعظم عمران خان نے کہا کہ آج کم لاگت میں سڑکیں تعمیر ہو رہی ہیں اس کا مطلب ہے ماضی میں سڑکوں کی تعمیر میں کرپشن کی گئی۔

وزیراعظم عمران خان کا کہنا ہے کہ کرپشن کے خاتمے سے خوشحالی آئے گی، 2013 کے مقابلے موجودہ حکومت نے کم لاگت سے سڑکوں کی تعمیر کی، پیسہ چوری کی تفتیش کیلئے اپنی ٹیم کو ہدایات دے دیں، ایف آئی اے قوم کے سامنے لائے کس نے کتنا پیسہ بنایا۔

تقریب سے خطاب کے دوران وزیراعظم کا کہنا تھا کہ پانچ سال کے الیکشن کا سوچنے والی حکومت بلوچستان پر توجہ نہیں دیتی، کرپشن نہ ہوتی تو بلوچستان ترقی کرتا۔انہوں نے کہا کہ پسماندہ علاقے خوش حال ہوتے، اپنے حلقے کا سوچنے والے بلوچستان کے سیاست دان بھی قصور وار ہیں۔

وزیراعظم نے جھل جھاوبیلہ شاہراہ کی اپ گریڈیشن کا سنگ بنیاد رکھ دیا۔ اس موقع پر عمران خان نے کہا کہ ن لیگ دور سے سستی سڑکیں بنا رہے ہیں، کرپٹ لوگوں کے آنے سے قوم کا اصل نقصان ہوتا ہے، کرپٹ لوگ قوم کا پیسہ چوری کرتے ہیں۔ انہوں نے کہا کہ ماضی میں سڑکوں کی تعمیر میں بدعنوانی کی گئی، سابق دور میں سڑکوں کی تعمیر میں کرپشن کی تحقیقات کا کہا ہے۔

عمران خان کا کہنا تھا کہ ماضی کی نسبت 20 کروڑ کم لاگت میں شاہراہوں کی تعمیر جاری ہے، کوشش ہے پیچھے رہ جانیوالے علاقوں کو اوپر لائیں، چین کی کامیابی کی وجہ لانگ ٹرم پلاننگ ہے، جو حکومت 5 سال الیکشن کا سوچتی ہے وہ بلوچستان کیلئے کچھ نہیں کرتی۔

قبل ازیں مراد سعید نے بھی تقریب سے خطاب کرتے ہوئے کہا کہ جھل جھاوبیلہ جنوبی بلوچستان کی اہم شاہراہ ہے، شاہراہ علاقے کی ترقی میں اہم کردار ادا کرے گی، شاہراہ کا تعمیراتی کام تیزی سے جاری ہے، سی پیک مغربی روٹ کا آغاز بھی بلوچستان سے ہوا۔

٭۔۔۔۔۔۔۔۔۔۔۔۔
نوٹ: قلب نیوز ڈاٹ کام ۔۔۔۔۔ کا کسی بھی خبر اورآراء سے متفق ہونا ضروری نہیں. اگر آپ بھی قلب نیوز ڈاٹ کام پر اپنا کالم، بلاگ، مضمون یا کوئی خبر شائع کر نا چاہتے ہیں تو ہمارے آفیشیل ای میل qualbnews@gmail.com پر براہ راست ای میل کر سکتے ہیں۔ انتظامیہ قلب نیوز ڈاٹ کام