اتوار سے منگل تک پنجاب،بلوچستان، سندھ میں بارش،پہاڑوں پر برفباری کا امکان

اسلام آباد . مغربی ہواؤں کا سلسلہ آج شام ملک میں داخل ہوگا، کل سے منگل تک پنجاب، بلوچستان، سندھ میں بادل برسیں گے۔ خیبرپختونخوا، کشمیر، گلگت بلتستان میں بھی تیز ہواؤں کیساتھ بارش اور پہاڑوں پر برفباری کا امکان ہے۔

محکمہ موسمیات کے مطابق ملک بھر میں خشک سردی کے خاتمے کی نوید، مغربی ہوائیں آج رات بالائی علاقوں میں انٹر ہوں گے۔ ملک کے اکثر علاقوں میں بارش اور پہاڑوں پر برفباری کا امکان ہے۔ کل سے پنجاب میں لاہور، گوجرانوالہ، سیالکوٹ اور فیصل آبادسمیت جنوبی پنجاب میں بھی بادل برسنے کا امکان ہے۔ کوئٹہ، زیارت، پشین اور بلوچستان کے دیگر علاقوں میں بھی ابر رحمت برسنے کی پیشگوئی ہے۔

کراچی، سکھر، میر پور خاص اور صوبے کے متعدد شہروں میں بھی تیز ہواؤں کے ساتھ بارش کی توقع ہے۔ محکمہ موسمیات کے مطابق خیبرپختونخوا میں پشاور، ایبٹ آباد، نوشہرہ، کوہاٹ میں بارش اور پہاڑوں پر برفباری ہوگی۔

کل رات سے منگل کے دوران مری، گلیات، وادی نیلم، باغ، حویلیاں، راولاکوٹ میں برفباری کی پیشگوئی ہے۔ ناران، کاغان، ہنزہ، اسکردو میں بھی برفباری کا امکان ہے۔

٭۔۔۔۔۔۔۔۔۔۔۔۔
نوٹ: قلب نیوز ڈاٹ کام ۔۔۔۔۔ کا کسی بھی خبر اورآراء سے متفق ہونا ضروری نہیں. اگر آپ بھی قلب نیوز ڈاٹ کام پر اپنا کالم، بلاگ، مضمون یا کوئی خبر شائع کر نا چاہتے ہیں تو ہمارے آفیشیل ای میل qualbnews@gmail.com پر براہ راست ای میل کر سکتے ہیں۔ انتظامیہ قلب نیوز ڈاٹ کام