آرمی چیف کی تعیناتی سنجیدہ معاملہ ہے،صدر مملکت عارف علوی

اسلام آباد . صدر مملکت ڈاکٹرعارف علوی نے کہا ہے کہ آرمی چیف کی تعیناتی کے معاملے پر اتفاق رائے ہوناچاہیے، یہ سنجیدہ معاملہ ہے، سیاست دانوں اورپارلیمنٹ کو بیٹھ کر طے کرنا چاہیے۔

نجی ٹی وی چینل کو انٹرویو دیتے ہوئے صدر مملکت ڈاکٹر عارف علوی کا کہنا تھا کہ آرمی چیف کی تعیناتی پر عمران خان کی رائے وضاحت سے آگئی ہے، آرمی چیف کی تعیناتی کے معاملے پر اتفاق رائے ہوناچاہیے،آرمی چیف کی تعیناتی بہت اہمیت رکھتی ہے، پاکستان میں یہی ایشوز آئین کو لپٹوا چکے ہیں، جیسے مشرف کے زمانے کی تعیناتیاں۔

صدر مملکت عارف علوی کا کہنا تھا کہ یہ سیریس ایشو ہے، سیاست دانوں اور پارلیمنٹ کو بھی بیٹھ کر طےکرنا چاہیے، اپوزیشن کو بھی اس معاملے پر غور کرنا چاہیے۔

صدر کا کہنا تھا کہ اس پر بات کی جاسکتی ہےکہ قبل از وقت الیکشن کیسے کراناہے، سیلاب کی وجہ سے کتنا اثر ہوتاہے اس چیزپربات کرنی چاہیے، میرے ذہن میں بھی نہیں کہ سیلاب کی وجہ سے الیکشن کتنا ملتوی ہو، اس پرغور و خوض ہونا چاہیےکہ ووٹ کاسٹ کرسکتےہیں یا نہیں، میں بھی ووٹ کاسٹ کرنےکے معاملے پر غور اور حوصلہ افزائی کے لیے تیار ہوں۔

صد مملکت عارف علوی نے ایک سوال ے جواب میں کہاکہ میری سوچ پی ٹی آئی کے مطابق ہے کیونکہ کرپشن ختم کرنے ساتھ نکلا تھا، ایوان صدر میں رہتے ہوئے میرا تعلق کسی پارٹی سے نہیں ہے۔

٭۔۔۔۔۔۔۔۔۔۔۔۔
نوٹ: قلب نیوز ڈاٹ کام ۔۔۔۔۔ کا کسی بھی خبر اورآراء سے متفق ہونا ضروری نہیں. اگر آپ بھی قلب نیوز ڈاٹ کام پر اپنا کالم، بلاگ، مضمون یا کوئی خبر شائع کر نا چاہتے ہیں تو ہمارے آفیشیل ای میل qualbnews@gmail.com پر براہ راست ای میل کر سکتے ہیں۔ انتظامیہ قلب نیوز ڈاٹ کام