ملک بھر میں بجلی کا بڑا بریک ڈاﺅن، پورا سسٹم بیٹھ گیا

اسلام آباد۔ بجلی کا بڑا بریک ڈاﺅن ہونے کی وجہ سے ملک کے مختلف علاقوں میں بجلی کی فراہمی معطل ہوگئی ہے۔ذرائع نیشنل پاور کنٹرول کے مطابق، اس وقت سسٹم مکمل طور پر بند ہے، مین لائینوں میں فالٹ کی وجہ سے پورا سسٹم بیٹھ گیا ہے۔ذرائع کا کہنا ہے کہ ابھی بجلی کے بریک ڈاون کی وجہ جاننے کی کوشش کی جارہی ہے، بحالی میں کئی گھنٹے لگ سکتے ہیں۔

وزارت توانائی کے مطابق، وارسک سےگرڈ اسٹیشنز کی بحالی کا آغاز کردیا گیا ہے۔پاورڈویژن کے مطابق اسلام آباد اور پشاورسپلائی کمپنیز کے محدود علاقوں میں گرڈ بحال کردیے گئے۔ترجمان اسلام آباد الیکٹرک سپلائی کمپنی کے مطابق، 117 گرڈ اسٹیشنز کو بجلی کی فراہمی معطل ہے .

ترجمان آئیسکوکے مطابق ریجن کنٹرول سینٹر کی جانب سے ابھی تک کوئی واضح وجہ نہیں بتائی گئی۔ آئیسکو انتظامیہ متعلقہ حکام کے ساتھ مسلسل رابطے میں ہے۔ جب کہ گرڈ کی بحالی کا عمل شروع ہوگیا ہے۔انہوں نے کہا کہ ملک بھر میں بجلی کی بحالی رفتہ رفتہ ہوگی تاکہ سسٹم پر لوڈ نہ پڑے۔

دوسری جانب، سیکریٹری پاور ڈویژن راشد محمود کے مطابق بجلی بریک ڈاون کے معاملے پر تحقیقات کی ہدایت کردی۔ا±نہوں نے کہا کہ ابتدائی اندازے کے مطابق، خرابی ساﺅتھ ریجن میں پیدا ہوئی۔صوبہ سندھ میں شہرِ قائد کے بھی مختلف علاقوں میں بھی بجلی کی فراہمی معطل ہوگئی ہے۔کراچی الیکٹرک کے ذرائع کے مطابق، 90 فیصد شہر کی بجلی غائب ہے، نیشنل گرڈ میں خلل اس بریک ڈاو¿ن کا ممکنہ سبب ہے۔

ترجمان کے الیکٹرک کا کہنا ہے کہ اطلاعات کے مطابق آج صبح 7 بج کر 34 منٹ پر نیشنل گرڈ میں فریکوئینسی کم ہونے کے باعث متعدد شہروں کو بجلی فراہمی متاثر ہوئی۔ا±نہوں نے کہا کہ اسکا اثر کے الیکٹرک کی ٹیرٹری پر بھی آیا جس سے کراچی کو بجلی فراہمی متاثر ہوئی ہے تاہم کے الیکٹرک کا نیٹ ورک محفوظ اور فعال ہے، ہمارا عملہ صورتحال کا جائزہ لے رہا ہے اور بحالی کا عمل شروع کیا جارہا ہے۔ بجلی بندش کی وجوہات کی تحقیقات کے ساتھ ٹیمز بجلی کی بحالی کے لیے بھی متحرک ہیں۔

صوبہ پنجاب میں بھی لاہور سمیت تمام بڑے اورچھوٹے شہر بجلی سے محروم ہوگئے ہیں۔ذرائع کے مطابق، فیصل آباد، جھنگ ،ٹی ٹی سنگھ، گوجرہ،سرگودھا، شور کوٹ، پیر محل اور دیگر کئی علاقوں میں بجلی بند ہے۔ذرائع کی جانب سے موصول ہونے والی ابتدائی معلومات کے مطابق جنوبی و شمالی مین لائینوں میں بیک وقت فالٹ آنے کی وجہ سے بجلی کی فراہمی معطل ہوئی۔لاہور میں بجلی کے بریک ڈاﺅن کے باعث اورنج لائین ٹرین کی سروس بھی بند ہوگئی۔

کوئٹہ الیکٹرک سپلائی کمپنی کے حکّام کے مطابق، صوبہ بلوچستان میں کوئٹہ سمیت 22 اضلاع میں بجلی کی فراہمی معطل ہوگئی ہے۔کیسکو حکّام کا کہنا ہے کہ گڈو سے کوئٹہ آنے والی بجلی کی دونوں ٹرانسمیشن لائنیں ٹرپ کرگئی ہیں۔

صوبہ خیبر پختونخواہ میں بھی پشاور میں صبح ساڑھے 7 بجے سے بجلی کی فراہمی معطل ہے۔ذرائع کے مطابق، پشاورمیں اندرون شہر، صدر، گل بہار، ہشتنگری، حیات آباد اور نواحی علاقوں میں بجلی بند ہے۔اس کے علاوہ دلہ زاک روڈ، جی ٹی روڈ، کوہاٹ روڈ اور چارسدہ روڈ کےعلاقوں میں بھی بجلی بند ہے۔پشاور الیکٹرک سپلائی کمپنی کے مطابق، بجلی معطلی کی وجوہات جاننے کی کوشش کی جا رہی ہے۔

٭۔۔۔۔۔۔۔۔۔۔۔۔
نوٹ: قلب نیوز ڈاٹ کام ۔۔۔۔۔ کا کسی بھی خبر اورآراء سے متفق ہونا ضروری نہیں. اگر آپ بھی قلب نیوز ڈاٹ کام پر اپنا کالم، بلاگ، مضمون یا کوئی خبر شائع کر نا چاہتے ہیں تو ہمارے آفیشیل ای میل qualbnews@gmail.com پر براہ راست ای میل کر سکتے ہیں۔ انتظامیہ قلب نیوز ڈاٹ کام