سکھ رہنما ہردیپ سنگھ کے قتل میں بھارت ملوث،سفیر کو ملک چھوڑنےکاحکم

اسلام آباد ۔ کینیڈا میں سکھ رہنما ہردیپ سنگھ ناگر کے قتل میں بھارت کے ملوث ہونے کے ثبوت ملنے کے بعد دونوں ممالک کے درمیان کشیدگی عروج پر پہنچ گئی ہے۔ کینیڈین حکومت نے سینئر بھارتی سفارتکار کو ملک چھوڑنے کا حکم دیا ہے۔ .خالصتان تحریک کے سرکردہ رہنما ہردیپ سنگھ ناگر کو 18 جون کو کینیڈا کے برٹش کولمبیا کے ایک گرودوارے میں گولی مار کر ہلاک کر دیا گیا تھا ایجنسیوں پر قتل کا الزام تھا۔

ہردیپ سنگھ سکھ علیحدگی پسند تنظیم سکھس فار جسٹس کا کارکن تھا اور اس نے خالصتان کے قیام کے لیے ہونے والے ریفرنڈم میں مرکزی کردار ادا کیا تھا۔ بھارتی حکومت نے کینیڈین حکام سے ہردیپ سنگھ کے خلاف کارروائی کا مطالبہ بھی کیا تھا۔

بھارت میں ہونے والے جی 20 اجلاس کے بعد کینیڈا اور بھارت کے درمیان اس وقت کشیدگی بڑھ گئی جب کینیڈین وزیراعظم جسٹن ٹروڈو نے جی 20 سربراہی اجلاس کے دوران دو طرفہ ملاقاتوں میں سکھوں سمیت مختلف معاملات پر بھارتی وزیراعظم نریندر مودی کو واضح جواب دیا۔

بھارتی وزیر اعظم نریندر مودی نے حال ہی میں سکھوں کے احتجاج کو سنبھالنے پر کینیڈا کو تنقید کا نشانہ بنایا جس پر کینیڈین وزیر اعظم جسٹن ٹروڈو نے ردعمل دیتے ہوئے کہا کہ کینیڈا میں ہر شہری کو پرامن احتجاج اور اظہار رائے کی آزادی کا حق ہے۔

10 ستمبر کو وینکوور میں خالصتان کے حق میں ہونے والے ریفرنڈم میں 130,000 سے زائد سکھوں نے حصہ لیا۔ریفرنڈم میں ہردیپ سنگھ کے مبینہ قتل میں ملوث بھارتی سفارت کاروں کی تصاویر والے بینرز اور پوسٹرز آویزاں کیے گئے تھے۔کینیڈین حکومت پر ہردیپ سنگھ نگر کے قتل کی فوری تحقیقات اور ذمہ داروں کا تعین کرنے کے لیے شدید دباو تھا تاہم تحقیقات کے بعد قتل میں بھارت کے ملوث ہونے کے شواہد سامنے آئے ہیں۔

کینیڈا کی وزیر خارجہ میلانیا جولی نے سینئر بھارتی سفارتکار اور بھارتی خفیہ ایجنسی را کے مقامی سربراہ کو فوری طور پر ملک چھوڑنے کا حکم دیتے ہوئے کہا ہے کہ اگر قتل کا الزام ثابت ہوگیا تو یہ ہماری خودمختاری کی خلاف ورزی ہوگی۔ اس سے قبل کینیڈین پارلیمنٹ میں خطاب کرتے ہوئے وزیراعظم جسٹن ٹروڈو نے تصدیق کی تھی کہ کینیڈا میں سکھ رہنما کے قتل میں بھارتی حکومت ملوث ہو سکتی ہے۔ غیر ملکی حکومت کی مداخلت ہماری خودمختاری کے خلاف ہے۔

٭۔۔۔۔۔۔۔۔۔۔۔۔
نوٹ: قلب نیوز ڈاٹ کام ۔۔۔۔۔ کا کسی بھی خبر اورآراء سے متفق ہونا ضروری نہیں. اگر آپ بھی قلب نیوز ڈاٹ کام پر اپنا کالم، بلاگ، مضمون یا کوئی خبر شائع کر نا چاہتے ہیں تو ہمارے آفیشیل ای میل qualbnews@gmail.com پر براہ راست ای میل کر سکتے ہیں۔ انتظامیہ قلب نیوز ڈاٹ کام