فیصل آباد، نجی ٹیکسٹائل ملز کے مالک کا طالبہ پر تشدد میڈیکل رپورٹ میں ثابت

فیصل آباد ۔ شادی سے انکار پر نجی ٹیکسٹائل ملز کے مالک اور اسکی بیٹی سمیت دیگر افراد کی جانب سے طالبہ کو بدترین تشدد میڈیکل رپورٹ میں بھی ثابت ہوگیا، پولیس کی جانب سے واقعہ میں ملوث ملزمہ کو عدالت میں پیش کردیا گیا۔

فیصل آباد میں نجی ملز کے مالک کے خلاف تھانہ ویمن میں مقدمہ کا اندراج کرواتے ہوئے موقف اختیار کیا گیا ہے کہ ملزم اسکی کلاس فیلو کا والد ہے جو اسے شادی کرنے پر مجبور کر رہا تھا جبکہ شادی سے انکار پر ملزم نے اپنی بیٹی انا فاطمہ، ملازمہ ماہم اور دیگر ساتھیوں کے ہمراہ خدیجہ کو اسکے گھر سے اغواءکرلیا اور اپنے گھر لیجا کر اسے تشدد کا نشانہ بناتے ہوئے زخمی کرنے کے بعد اسکے سر کے بال بھی کاٹ دئیے۔ملزمان کی جانب سے خدیجہ غفور کو جوتے چاٹنے پر بھی مجبور کیا گیا، تشدد کے دوران ملزمان کی جانب سے ویڈیو بنا کر بھی سوشل میڈیا پر وائرل کی گئی۔

پولیس نے واقعہ میں ملوث مرکزی ملزم اور خاتون ماہم سمیت چھ افراد کو حراست میں بھی لے رکھا ہے، ملزم کے گھر کی تلاشی کے دوران لاکھوں روپے مالیت کی شراب کی بوتلیں بھی برآمد ہوئیں، پولیس نے واقعات کے مقدمات بھی درج کر رکھے ہیں، تاہم پولیس کی جانب سے ملزمہ ماہم بی بی کو علاقہ مجسٹریٹ کی عدالت میں پیش کرتے ہوئے 14 روزہ جسمانی ریمانڈ کی استدعا کی گئی۔

تفصیلات کے مطابق میڈیکل کی طالبہ کو شادی سے انکار پر اغوا کے بعد تشدد اور جوتا چٹوانے ،بال کاٹنے کے دوران وڈیو بنانے والے پہلے سے گرفتار ملزم شیخ دانش کے گھر پر پولیس نے سٹی پولیس آفیسر عمر سعید ملک صاحب کی ہدایت پر یونیورسٹی ٹاون سرگودھا روڈ ضلع فیصل آباد کی رہائشی میڈیکل کی طالبہ خدیجہ غفور کو زیادتی اور تشدد کانشانہ بنانے والے بیسٹ ایکسپورٹ کے مالک شیخ دانش سمیت چھ ملزمان کو گرفتار کرلیا گیا۔

گرفتار ملزمان میں شیخ دانش،ماہم ،خان محمد، شعیب ، فیضان اور اصغر شامل ہیں ۔پولیس پارٹی نے جدید ذرائع بروئے کار لاتے ہوئے ملزمان کو گرفتار کیا۔

سی پی او عمر سعید ملک کا کہنا ہے کہ ملزمان کو قانون کے مطابق سزا دلوائی جائے گی۔ جبکہ سٹی پولیس آفیسر عمر سعید ملک نے مل مالک کے ہاتھوں زیادتی کا نشانہ بنانے والی میڈیکل کی طالبہ کے معاملہ کا نوٹس لیتے ہوے مالک اور اسکی بیٹی سمیت 16 ملزمان کے خلاف مختلف دفعات کے تحت تھانہ وویمن میں مقدمہ درج کروایاگیا ۔

میڈیکل کی طالبہ کو شادی سے انکار پر اغوا کے بعد زیادتی کا نشانہ بناتے ہوئے جوتے چٹوانے والے مل مالک شیخ دانش کے گھر میں چھاپے کے دوران پولیس نے شراب کی 50 سے زائد اعلی کوالٹی کی بوتلیں اسلحہ موبائل فون سمیت دیگر سامان قبضہ میں لے لیا برآمد ہونے والی شراب اور اسلحہ کے مقدمات بھی درج کئے جارہے ہیں۔

٭۔۔۔۔۔۔۔۔۔۔۔۔
نوٹ: قلب نیوز ڈاٹ کام ۔۔۔۔۔ کا کسی بھی خبر اورآراء سے متفق ہونا ضروری نہیں. اگر آپ بھی قلب نیوز ڈاٹ کام پر اپنا کالم، بلاگ، مضمون یا کوئی خبر شائع کر نا چاہتے ہیں تو ہمارے آفیشیل ای میل qualbnews@gmail.com پر براہ راست ای میل کر سکتے ہیں۔ انتظامیہ قلب نیوز ڈاٹ کام