شیخوپورہ،ٹرین کی اسکول وین کو ٹکر3 تین طالبات جاں بحق 9 زخمی

شیخوپورہ . شیخوپورہ کے علاقے سریانوالہ جیتہ باڑیاں روڈ پر ٹرین کی اسکول وین کو ٹکر سے 3 طالبات جاں بحق جبکہ 9 زخمی ہوگئیں ۔ جیتہ باڑیاں روڈ پر بغیر پھاٹک کے ریلوے کراسنک سے اسکول وین گزر رہی تھی جو ریلوے ٹریک پر پھنس گئی، اس دوران دوسری طرف سے آنے والی راوی ایکسپریس اسکول وین سے ٹکرا گئی جس کے نتیجے میں دو طالبات موقع پر جاں بحق جب کہ دیگر زخمی ہوگئیں۔

واقعے کی اطلاع ملنے پر ریسکیو اہلکاروں نے جائے حادثہ پر پہنچ کر امدادی کارروائیاں شروع کیں اور 8 طالبات کو زخمی حالت میں اسپتال منتقل کیا جہاں ایک زخمی طالبہ دم توڑ گئی ۔ریلوے حکام نے بتایا کہ حادثہ واربرٹن اور شیخوپورہ اسٹیشن کے درمیان پیش آیا، حادثے والی جگہ پرکوئی پھاٹک نہیں تھا اور ضلعی انتظامیہ نےعارضی کراسنگ بنا رکھی تھی جب کہ ضلعی انتظامیہ کا اہلکار ریلوے کراسنگ پر تعینات نہیں تھا۔

ریلوے حکام کا کہنا تھاکہ اس روٹ پر 2 سال بعد ٹرین سروس بحال ہوئی ہے۔حادثے کے بعد اسکول وین کا ڈرائیور موقع سے فرار ہو گیا جب کہ اہل علاقہ نے احتجاجی مظاہرہ کرتے ہوئے ٹرین کو روک دیا۔

٭۔۔۔۔۔۔۔۔۔۔۔۔
نوٹ: قلب نیوز ڈاٹ کام ۔۔۔۔۔ کا کسی بھی خبر اورآراء سے متفق ہونا ضروری نہیں. اگر آپ بھی قلب نیوز ڈاٹ کام پر اپنا کالم، بلاگ، مضمون یا کوئی خبر شائع کر نا چاہتے ہیں تو ہمارے آفیشیل ای میل qualbnews@gmail.com پر براہ راست ای میل کر سکتے ہیں۔ انتظامیہ قلب نیوز ڈاٹ کام