آیت اللہ سیستانی نےاقوام متحدہ کےایلچی کےساتھ ملاقات سےانکارکردیا

نجف . آیت اللہ سیستانی نے اقوام متحدہ کے ایلچی کے ساتھ ملاقات سے انکار کر دیا ہے .غیر ملکی نیوز ویب سایٹ ابنا کے مطابق عراقی ذرائع نے اطلاع دی ہے کہ عراق کے لیے اقوام متحدہ کے ایلچی نے نجف اشرف کے اپنے حالیہ دورے کے دوران آیت اللہ العظمیٰ سیستانی سے ملاقات کی درخواست کی تھی، جسے عالم تشیع کے مرجع تقلید نے قبول نہیں کیا۔

ذرائع نے بتایا کہ آیت اللہ سیستانی کے دفتر نے اعلان کیا ہے کہ گزشتہ روز "جینین پلسخارٹ” نے مرجع تقلید سے ملاقات کی درخواست دی جسے انہوں نے قبول نہیں کیا۔

خیال کیا جا رہا ہے کہ پلاسخارٹ نے حال ہی میں نجف اشرف میں صدر دھڑے کے سربراہ مقتدیٰ الصدر سے ملاقات اور گفتگو کی تھی اور عراقی انتخاباتی نتائج پر پلاسکارٹ کے مداخلت پسندانہ موقف نے گزشتہ چند ہفتوں کے دوران عراق کے بہت سے گروہوں کے احتجاج کو ہوا دی ہے۔

٭۔۔۔۔۔۔۔۔۔۔۔۔
نوٹ: قلب نیوز ڈاٹ کام ۔۔۔۔۔ کا کسی بھی خبر اورآراء سے متفق ہونا ضروری نہیں. اگر آپ بھی قلب نیوز ڈاٹ کام پر اپنا کالم، بلاگ، مضمون یا کوئی خبر شائع کر نا چاہتے ہیں تو ہمارے آفیشیل ای میل qualbnews@gmail.com پر براہ راست ای میل کر سکتے ہیں۔ انتظامیہ قلب نیوز ڈاٹ کام