آرمی چیف سے سی آئی اے ڈائریکٹر کی ملاقات،افغان صورتحال پرتبادلہ خیال

راولپنڈی ۔ آرمی چیف جنرل قمرجاویدباجوہ سے ملاقات میں امریکی خفیہ ایجنسی سی آئی اے کے ڈائریکٹر نے افغان صورتحال پر پاکستانی کردار سمیت غیرملکی عملے کے انخلا اور دیگر معاملات میں تعاون کی تعریف کی۔

پاکستانی فوج کے شعبہ تعلقات عامہ (آئی ایس پی آر) کی جانب سے بیان میں کہا گیا کہ آرمی چیف جنرل قمرجاویدباجوہ سے ڈائریکٹرسی آئی اے ولیم جوزف برنز کی ملاقات ہوئی ، سی آئی اےڈائریکٹر نے ڈی جی آئی ایس آئی لیفٹیننٹ جنرل فیض حمید سے بھی ملاقات کی۔

آئی ایس پی آر کا کہنا تھا کہ ملاقات میں باہمی دلچسپی امور سمیت ،علاقائی سیکیورٹی اور افغانستان صورتحال پرتبادلہ خیال کیا گیا۔

ترجمان کے مطابق اس دوران پاکستانی حکام کی جانب سے خطے میں امن کیلئے تعاون جاری رکھنے کے عزم کا اعادہ کیا گیا ااور افغانستان میں دیرپاامن کیلئے کوششیں جاری رکھنے کے عزم کا اظہار کیا۔

سی آئی اے ڈائریکٹر نے خطے میں استحکام کے لیے پاکستان کی کاوشوں کو بھی سراہا اور افغان صورتحال پر پاکستانی کردار سمیت غیرملکی عملے کے انخلااوردیگرمعاملات میں تعاون کی تعریف بھی کی۔