عدالت عظمیٰ نے ماضی کے تمام نظریہ ضرورت کو دفن کردیا،اپوزیشن

اسلام آباد. اپوزیشن رہنماﺅں نے کہاہے کہ عدالت عظمیٰ نے ماضی کے تمام نظریہ ضرورت کو دفن کردیا۔ جمعرات کو ایم کیو پاکستان کے کنونیر خالد مقبول صدیقی ، جے یو آئی (ف) کے رہنما مولانا اسعدالرحمان اور پی پی پی چیئرمین بلاو ل بھٹو زردرای کے ہمراہ میڈیا سے گفتگو کی .

سپریم کورٹ کی جانب سے قومی اسمبلی کو بحال کیے جانے کے فیصلے پر اپوزیشن لیڈر شہباز شریف نے کہا ہے کہ عدالت کے فیصلے نے پاکستان کے مستقبل اور آئین کو محفوظ کیا ، عدالت عظمی نے ماضی کے تمام نظریہ ضرورت کو دفن کردیا۔

شہباز شریف نے کہا کہ یہ انصاف، آئین اور قانون کی جیت ہے ۔ چیئرمین پیپلز پارٹی بلاول بھٹو نے کہا کہ آج کسی فرد یا جماعت کی نہیں بلکہ پاکستان کے آئین کی جیت ہوئی ہے۔

شہباز شریف کا مزید کہنا تھا کہ الیکشن کمیشن سے گزارش ہے بلوچستان کے بلدیاتی انتخابات چند دن کیلئے مخرکردیں، عمران کے سارے سرپرائز جعلی نکلے، اب کسی جعلسازی کی ضرورت نہیں ہے۔

انہوں نے کہا کہ صدر کے خلاف مواخذہ سمیت تمام اقدامات پر مل کر فیصلے کریں گے، ان سے پوچھیں جو کہتے تھے ڈالر ایک روپیہ مہنگا ہوگا تو وزیراعظم کرپٹ ہوگا، عدالت عظمی ٰنے فیصلے میں کہا ڈپٹی اسپیکر کا فیصلہ غیر آئینی ہے، عدالت عظمی کا فیصلہ خود بول رہا ہے، مزید گنجائش نہیں رہی، ہم مل کر انتخابی اصلاحات لائیں گے۔

متحدہ اپوزیشن کے رہنماﺅں نے سپریم کورٹ کے فیصلے کو تاریخی قرار دیا ہے جبکہ قانونی ماہرین اور سیاسی قائدین کا بھی کہنا ہے کہ یہ کسی فرد یا جماعت کی نہیں ، بلکہ پاکستان کے آئین کی جیت ہے۔

٭۔۔۔۔۔۔۔۔۔۔۔۔
نوٹ: قلب نیوز ڈاٹ کام ۔۔۔۔۔ کا کسی بھی خبر اورآراء سے متفق ہونا ضروری نہیں. اگر آپ بھی قلب نیوز ڈاٹ کام پر اپنا کالم، بلاگ، مضمون یا کوئی خبر شائع کر نا چاہتے ہیں تو ہمارے آفیشیل ای میل qualbnews@gmail.com پر براہ راست ای میل کر سکتے ہیں۔ انتظامیہ قلب نیوز ڈاٹ کام