کراچی،لاہوراوراسلام آباد میں اومی کرون بے قابو ہونے لگا

اسلام آباد . کراچی،لاہوراوراسلام آباد میں اومی کرون بے قابو ہونے لگا،گزشتہ روز لاہور میں مزید 20 افراد میں اومی کرون کی تصدیق ہوئی جس سے شہر میں اومی کرون کیسز کی تعداد 170 ہوگئی ہے .

کراچی، لاہور اور اسلام آباد میں کورونا کے نئے ویرینٹ اومی کرون کے کیسز میں تیزی سے اضافہ دیکھنے میں آرہا ہے۔محکمہ صحت پنجاب کے مطابق صوبے میں مزید 24 افراد میں اومی کرون وائرس کی تصدیق ہوئی ہے جس سے پنجاب میں اومی کرون کیسز کی تعداد 177 ہوگئی ہے۔

محکمہ صحت کا بتانا ہےکہ گزشتہ روز لاہور میں مزید 20 افراد میں اومی کرون کی تصدیق ہوئی جس سے شہر میں اومی کرون کیسز کی تعداد 170 ہو گئی۔

دوسری جانب محکمہ صحت سندھ نے کراچی میں مزید 23 افراد میں اومی کرون وائرس کی تصدیق کی ہے۔محکمہ صحت کے مطابق اومی کرون سے متاثرہ افراد کا تعلق ضلع شرقی، غربی، وسطی اور ملیر سے ہے۔محکمہ صحت کا بتانا ہےکہ سندھ میں اومی کرون کیسز کی تعداد 200 ہوگئی ہے۔

اسلام آباد بھی اومی کرون کے کیسز میں‌روزبروز اضافہ دیکھنے میں آرہا ہے ادھر وفاقی دارالحکومت اسلام آباد میں مزید 27 افراد میں اومی کرون کی تصدیق ہوئی ہے۔

ڈسٹرکٹ ہیلتھ آفیسر کے مطابق شہر میں اومی کرون سے متاثرہ افراد کی تعداد 141 ہوگئی ہے اور اومی کرون سے متاثرہ افراد کی اکثریت نے انسداد کورونا ویکسین نہیں لگوائی۔ڈی ایچ او کے مطابق اسلام آباد میں پہلا اومی کرون کیس 25 دسمبر کو سامنے آیا تھا۔

واضح رہے کہ پاکستان میں کورونا وائرس کے کیسز میں تیزی سے اضافہ ہورہا ہے اور مثبت کیسز کی شرح 1.80 فیصد تک جا پہنچی ہے۔این سی او سی کے سربراہ اسد عمر نے گزشتہ روز اپنے بیان میں کہا تھا کہ پاکستان میں کورونا کی پانچویں لہر کے واضح اثرات ہیں۔

٭۔۔۔۔۔۔۔۔۔۔۔۔
نوٹ: قلب نیوز ڈاٹ کام ۔۔۔۔۔ کا کسی بھی خبر اورآراء سے متفق ہونا ضروری نہیں. اگر آپ بھی قلب نیوز ڈاٹ کام پر اپنا کالم، بلاگ، مضمون یا کوئی خبر شائع کر نا چاہتے ہیں تو ہمارے آفیشیل ای میل qualbnews@gmail.com پر براہ راست ای میل کر سکتے ہیں۔ انتظامیہ قلب نیوز ڈاٹ کام