عراق کے عظیم مرجع تقلیدحضرت آیت اللہ العظمیٰ السید محمد سعید الحکیم انتقال کر گئے

نجف اشرف ۔ عراق کے معروف خاندانِ حکیم کے سرکردہ شخصیت حوزہ علمیہ نجف اشرف کے عظیم استاد اور عراق کے معروف مرجع تقلید حضرت آیت اللہ العظمی السید محمد سعید الحکیم حرکت قلب بند ہوجانے کے باعث انتقال کر گئے ۔ان کی وفات کی خاندانی ذرائع نے تصدیق کردی ہے۔ان کی وفات پر پورا عراق سوگ میں ڈوب گیا ہے۔

مرحوم نجف اشرف کے چار سرکرہ مراجع میں سے ایک تھے اور پورے عالم اسلام میں ان کے چاہنے والے موجود ہیں ان کی علمی ، دینی ، فلاحی خدمات کا دائرہ پوری دنیا میں پھیلا ہوا ہے.

حضرت آیت اللہ العظمی السید محمد سعید الحکیم کی بہت سی تصانیف تھیں جو علمی حلقوں میں خصوصی توجہ کا مرکز تھیں وہ اتحادوحدت کے زبردست داعی تھے اورالحکمةفاونڈیشن کے ذریعے دنیا بھر میں فلاحی کاموں میں اپنی مثال آپ تھے ،اس الحکمة فاونڈیشن کے پلیٹ فارم پر پاکستان میں بھی 2020ء اور اس سے قبل آنے والے سیلاب کے متاثرین کی امداد کی اور اور ان کی بحالی کے لئے مختلف نوعیت کے امداد ی پیکج ، مکانات اور نہایت مشکل گھڑی میں مستحقین کی سرپرستی کی جس کے آثار آج بھی موجود ہیں۔

حضرت آیت اللہ العظمیٰ سید محمدسعید الحکیم طاب ثراہ کی مرجعیت آپ نوجوانی سے ہی تدریس وتالیف میں شہرت یافتہ تھے آپ نے اپنا سارا وقت حوزہ علمیہ نجف کے جوان طلاب کے علمی معیار کو بلند کرنے کی راہ میں صرف کردیا چنانچہ آپ انھیں درس دیتے اور ان کی علمی صلاحیتوں کوبڑھاوا دیتے جس کے باعث بہت سے طلاب وفضلاء اعلیٰ علمی سطح تک پہنچ گئے اور مختلف مقامات پر دینی خدمات سرا نجام دے رہے ہیں۔

اس کے علاوہ آپ ان کی اخلاقی تربیت کا بھی بے حد خیال رکھتے تا کہ تقوی و پرہیزگاری سے متصف رہیں اور اپنی تالیف وتصنیف اورتحقیق کے ذریعہ حوزہ علمیہ نجف کا نام روشن کرنے میں کر دار ادا کریں۔

قائد ملت جعفریہ پاکستان علامہ سید ساجد علی نقوی نےحضرت آیت اللہ العظمی السید محمد سعید الحکیم کی وفات پر گہرے رنج وغم کا اظہار کرتے ہوئے کہا کہ آیت اللہ العظمیٰ السید محمد سعید الحکیم کی وفات عالم اسلام کا بڑانقصان ہے اور ہم پاکستانی عوام کی جانب سے پسماندگان ،فرزندگان جن کا شمار فاضل علماءمیں ہوتا ہے حجة السلام سید ازالدین الحکیم اور حجة السلام سید ریاض الدین الحکیم اور دوسرے فرزندان و خاندان اور عقیدت مندوں کو دل کی اتہاہ گہرائیوں سے اظہار تعزیت و تسلیت پیش کرتے ہیں۔

٭۔۔۔۔۔۔۔۔۔۔۔۔
نوٹ: قلب نیوز ڈاٹ کام۔۔۔۔۔ کا کسی بھی خبر اورآرائ سے متفق ہونا ضروری نہیں. اگر ا?پ بھی قلب نیوز ڈاٹ کام پر اپنا کالم، بلاگ، مضمون یا کوئی خبر شائع کر نا چاہتے ہیں تو ہمارے ا?فیشیل ای میل qualbnews@gmail.com پر براہ راست ای میل کر سکتے ہیں۔ انتظامیہ قلب نیوز ڈاٹ کام