حکومت واپوزیشن کے مابین سیاسی محاذ آرائی عروج پر پہنچ گئی

اسلام آباد ۔ حکومت اور اپوزیشن کے مابین سیاسی محاذ آرائی عروج پر پہنچ گئی ہے اوراپوزیشن کی طرف سے قومی سلامتی کمیٹی اجلاس میں بائیکاٹ کے اعلان نے حکومت و اپوزیشن میں کشیدگی کو مزید بڑھا دیا ہے اور سرد ترین مہینے میں شہر اقتدار کا سیاسی موسم انتہائی درجہ حرارت پرپہنچ گیا ہے ۔

ذرائع کے مطابق وزیراعظم عمران خان کی طرف سے وزرا اور پارٹی ترجمانوں کو ایک مرتبہ پھر اپوزیشن کرپشن بے نقاب کرنے کے احکامات جاری کر دئیے ہیں اوراپوزیشن ارکان نے بھی حکومتی کارکردگی کے نقائص پر سیاست کا فیصلہ کرلیا

ذرائع کے مطابق دوسری جانب منی بجٹ کی گونج پر اپوزیشن رہنماو¿ں کے آپس میں رابطے شروع ہوگئے ہیں مولانا فضل الرحمان، میاں شہباز شریف، بلاول بھٹو زرداری، میاں نواز شریف سمیت دیگر رہنماو¿ں کے آپسی رابطے بڑھانے کا فیصلہ کیا ہے ۔

پارلیمنٹ کے اندر اپوزیشن جماعتوں کے اتحاد کو مزید فعال کرنے کی تجاویز پر بھی حزب اختلاف نے غور شروع کردیا،منی بجٹ پارلیمنٹ میں پیش کرنے کی صورت میں اپوزیشن شدید ترین مزاحمت کرے گی،اپوزیشن جماعتوں کے اتحاد پی ڈی ایم کا سربراہی اجلاس پیر کے روز بلائے جانے کا قوی امکان ہے ۔

٭۔۔۔۔۔۔۔۔۔۔۔۔
نوٹ: قلب نیوز ڈاٹ کام ۔۔۔۔۔ کا کسی بھی خبر اورآراء سے متفق ہونا ضروری نہیں. اگر آپ بھی قلب نیوز ڈاٹ کام پر اپنا کالم، بلاگ، مضمون یا کوئی خبر شائع کر نا چاہتے ہیں تو ہمارے آفیشیل ای میل qualbnews@gmail.com پر براہ راست ای میل کر سکتے ہیں۔ انتظامیہ قلب نیوز ڈاٹ کام