صفحہ اول / پاکستان / الیکشن کمیشن کی جانب سے نئی حلقہ بندیوں کانوٹیفکیشن جاری

الیکشن کمیشن کی جانب سے نئی حلقہ بندیوں کانوٹیفکیشن جاری

اسلام آباد۔ الیکشن کمیشن کی جانب سے ڈیجیٹل مردم شماری کے تحت ملک بھر میں حلقہ بندیاں مکمل کر لی گئیں جس کا باقاعدہ طور پر نوٹیفکیشن بھی جاری کر دیا گیا ہے۔الیکشن کمیشن آف پاکستان کی جانب سے جاری ہونے والے نوٹیفکیشن کے مطابق ساتویں مردم شماری کے نتائج کی بنیاد پر کی گئی نئی حلقہ بندیوں میں سابقہ فاٹا کی 12 نشستیں کم ہو کر 6 رہ گئی ہیں، اسی طرح سانگھڑ میں قومی اسمبلی کی 3 نشستوں میں سے ایک کم ہو کر 2 رہ گئیں جبکہ کراچی ساتھ کی قومی اسمبلی کی ایک نشست بڑھ کر 3 ہو گئی ہیں۔

نوٹیفکیشن کے مطابق خیرپور کی صوبائی اسمبلی کی نشستیں 7 سے کم ہو کر 6، سانگھڑ کی صوبائی اسمبلی کی نشستیں 6 سے کم ہو کر 5، ٹھٹھہ کی صوبائی اسمبلی کی نشستیں 3 سے کم ہو کر 2 ہو گئی ہیں جبکہ ملیر، کراچی ایسٹ اور کراچی سینٹرل کی صوبائی اسمبلی کی ایک ایک نشست میں اضافہ ہو گیا، ملیر کی صوبائی اسمبلی کی نشستیں 5 سے بڑھ کر 6، کراچی ایسٹ کی صوبائی اسمبلی کی نشستیں 8 سے بڑھ کر 9 جبکہ کراچی سینٹرل کی صوبائی اسمبلی کی نشستیں 8 سے بڑھ کر 9 ہو گئی ہیں۔

الیکشن کمیشن کی نئی حلقہ بندیوں کے مطابق آئندہ عام انتخابات کیلئے قومی اسمبلی کی جنرل نشستوں کی تعداد 266 ہو گی جبکہ وفاقی دارالحکومت اسلام آباد میں قومی اسمبلی کی سیٹیں 3 ہو گئی ہیں، پنجاب میں قومی اسمبلی کی 141، سندھ میں 61 نشستیں ہوں گی جبکہ خیبرپختونخوا میں 45 اور بلوچستان میں قومی اسمبلی کی سیٹوں کی تعداد 16 ہو گئی ہے۔

نوٹیفکیشن کے مطابق پنجاب اسمبلی میں جنرل نشستوں کی تعداد 297، سندھ اسمبلی میں 130، خیبرپختونخوا اسمبلی میں 115 اور بلوچستان اسمبلی کی جنرل نشستوں کی تعداد 51 ہو گی۔نئی حلقہ بندیوں کے مطابق قومی اسمبلی کیلئے خواتین کی مخصوص نشستوں کی تعداد 60 ہو گی، پنجاب میں سب سے زیادہ خواتین کی سیٹوں تعداد 32، سندھ میں 14، خیبرپختونخوا میں 10، بلوچستان میں خواتین کی 4 مخصوص نشستیں رکھی گئی ہیں۔

٭۔۔۔۔۔۔۔۔۔۔۔۔
نوٹ: قلب نیوز ڈاٹ کام ۔۔۔۔۔ کا کسی بھی خبر اورآراء سے متفق ہونا ضروری نہیں. اگر آپ بھی قلب نیوز ڈاٹ کام پر اپنا کالم، بلاگ، مضمون یا کوئی خبر شائع کر نا چاہتے ہیں تو ہمارے آفیشیل ای میل qualbnews@gmail.com پر براہ راست ای میل کر سکتے ہیں۔ انتظامیہ قلب نیوز ڈاٹ کام

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے