صحافیوں کیلئے اپنے گھر کا خواب پوراکریں گے،چودھری پرویز الٰہی

لاہور ۔ وزیراعلیٰ پنجاب چودھری پرویز الٰہی کی زیر صدارت پنجاب جرنلسٹ ہاوسنگ فاونڈیشن بورڈ کا اجلاس منعقد کیا گیا اجلاس میں پریس سیکرٹری وزیراعلیٰ چودھری محمد اقبال، صدر نیشنل پریس کلب اسلام آباد انور رضا، صدر لاہور پریس کلب محمد اعظم چودھری، صدر راولپنڈی پریس کلب کوآپریٹو ہاوسنگ سوسائٹی رانا محمد طاہر،پی ایف یو جے کے جنرل سیکرٹری رانا محمد عظیم، ایم ڈی پی جے ایچ ایف راو پرویز اختر اور متعلقہ حکام کے علاوہ ارکان پنجاب اسمبلی ساجد احمد خان، منان خان، زینب عمر، سینئر ممبر بورڈ آف ریونیو، سیکرٹریز خزانہ، اطلاعات، جنگلات، سیکرٹری سیٹلمنٹ کمشنر بورڈ آف ریونیو، کمشنر لاہور ڈویڑن، سی سی پی او لاہور، ڈپٹی کمشنر لاہور، ڈپٹی کمشنر راولپنڈی، ڈی جی ایل ڈی اے، ڈی جی ایف ڈی اے اورڈی جی پی آر کی اجلاس میں شریک تھے ۔

وزیراعلیٰ پنجاب چودھری پرویز الٰہی کالاہور پریس کلب ہاوسنگ سکیم فیز 2کا اعلان کرتے ہوئے کہاکہ صحافیوں کیلئے اپنے گھر کا خواب پوراکریں گے۔انہوں نے کہا کہ لاہور پریس کلب ہاوسنگ سکیم فیز2کیلئے تحصیل کینٹ میں اراضی دی جائے گی،آشیانہ ہاوسنگ سکیم میں 500کنال لاہور پریس کلب ہاوسنگ سکیم فیز2کیلئے مختص ہوں گے،لاہورپریس کلب ہاوسنگ سکیم فیز 2میں 5،5مرلے کے پلاٹ دیئے جائیں گے،لاہورپریس کلب میں بی بلاک میں غیر قانونی طورپر 15پلاٹوں کی الاٹمنٹ منسوخ،بی بلاک کے 15پلاٹ حقداروں کو شفاف طریقے سے دیئے جائیں گے۔

چودھری پرویزالٰہی نے پولیس حکام کو ہدایت دیتے ہوئے کہاکہ پریس کلب ہاوسنگ سکیم بی بلاک میں ناجائز قابضین سے قبضے واگزار کرائے جائیں۔وزیراعلیٰ نے بی بلاک کے متنازع امورطے کرنے کیلئے رپورٹ طلب کرلی،بی بلاک کے متاثرین کو ان کا حق دلایا جائے گا۔ فیصل آبادپریس کلب ہاوسنگ سکیم کیلئے سفارشات طلب کی ہیں ۔فیصل آباد پریس کلب ہاوسنگ سکیم میں پانچ،پانچ مرلے کے 468پلاٹ دیئے جائیں گے۔

وزیراعلیٰ پرویزالٰہی نے پنجاب جرنلسٹ ہاوسنگ فاونڈیشن کا 35کروڑ سو د معاف کردیا،پنجاب جرنلسٹ ہاوسنگ فاونڈیشن نے فنانس ڈیپارٹمنٹ کو واجبات کی مد میں 35کروڑ روپے اداکرنے تھے۔مزیدوزیراعلیٰ چودھری پرویز الٰہی نے راولپنڈی پریس کلب ہاوسنگ سکیم کیلئے اضافی پلاٹس کی منظوری بھی دے دی ،راولپنڈی پریس کلب ہاوسنگ سکیم کو 121کنال اراضی اور فیز ٹو دینے کا اصولی فیصلہ کیاہے ۔پنجاب کے دیگر اضلاع میں بھی بتدریج جرنلسٹ ہاوسنگ سکیم لائیں گے۔18سال قبل سب سے پہلے جرنلسٹ بھائیوں کیلئے ہاوسنگ سکیم قائم کی ،لاہور،راولپنڈی اورملتان میں صحافیوں کو سینکڑوں پلاٹ دیئے گئے۔

٭۔۔۔۔۔۔۔۔۔۔۔۔
نوٹ: قلب نیوز ڈاٹ کام ۔۔۔۔۔ کا کسی بھی خبر اورآراء سے متفق ہونا ضروری نہیں. اگر آپ بھی قلب نیوز ڈاٹ کام پر اپنا کالم، بلاگ، مضمون یا کوئی خبر شائع کر نا چاہتے ہیں تو ہمارے آفیشیل ای میل qualbnews@gmail.com پر براہ راست ای میل کر سکتے ہیں۔ انتظامیہ قلب نیوز ڈاٹ کام