کاسمیٹکس سیکٹر،کروڑوں روپے کے ٹیکس چوروں کیخلاف ایف بی آرکا کریک ڈاﺅن

اسلام آباد ۔ فیڈرل بورڈ آف ریونیو(ایف بی آر) نے کاسمیٹک سیکٹر میں پکڑے جانے والے کروڑوں روپے کی مبینہ ٹیکس چوری کے بڑے سکینڈل میں ملوث فاروول کاسمیٹکس کے ملک بھر میں بڑے ڈسٹری بیوٹرز کا ریکارڈ حاصل کرکے نوٹس جاری کرنا شروع کردیئے ہیں۔ایف بی آر حکام کے مطابق کاسمیٹکس سیکٹر میں پکڑے جانیوالے کروڑوں روپے کی مبینہ ٹیکس چوری کے بڑے کیس میں اہم پیشرفت ہوئی ہے۔

ایف بی آر نے کمپنی کا سیلز ٹیکس رجسٹریشن معطل ہونے کے باوجو د فارول کاسمیٹکس نامی کمپنی کی جانب سے وائنڈرز کے ذریعے مصنوعات تیار کرکے سپلائی کرنے کا انکشاف ہوا ہے۔ایف بی آر نے کی کروڑوں روپے مصنوعات فروخت کرنے والے کراچی،لاہورر،راولپنڈی،سکھر اور حیدر آباد سمیت ملک کے دیگر شہروں میں قائم کمپنی کے بڑے ڈسٹری بیوٹرز کا ریکارڈ حاصل کرلیا ہے۔

ڈائریکٹریٹ اینٹلی جننس اینڈ انویسٹی گیشن ان لینڈ ریونیو کے حکام کا کہنا ہے کہ آٹھ سے زائد ڈسٹری بیوٹرز کا ریکارڈ حاصل کرکے متعدد ڈسٹری بنیوٹرزکو نوٹس جاری کردیئے گئے ہیں جبکہ فارول کاسمیٹکس نامی کمپنی کے ریجنل ٹیکس آفس پشاور نے چارٹرڈ اکاونٹنٹ کے ذریعے جواب دینے کیلئے وقت مانگا ہے اور ایف بی آر نے فارول کاسمیٹک پشاور کو نوٹس کا جواب دینے کیلئے وقت دیدیا گیا ہے جبکہ دوران تحقیقات ایف بی آر کو کمپنی کے بڑے ڈسٹری بیوٹرز کا ریکارڈ ملا ہے اور کراچی سے تعلق رکھنے و الے اے یو ٹریڈرز نامی ایک ڈسٹری بیوٹرز کی طرف سے صرف جولائی 2022 میں پچاس کروڑ روپے کے لگ بھگ مالیئت کی انعامی قرعہ اندازی کئے جانے کا انکشاف ہوا ہے۔

ڈائریکٹریٹ اینٹلی جنس اینڈ انویسٹی گیشن ان لینڈریونیو حکام کا کہنا ہے کہ فارول کاسمیٹکس کی سیلز ٹیکس رجسٹریشن معطل ہونے کے باوجود وائنڈرز کے ذریعئے کروڑوں روپے کی مصنوعات غیر قانونی طور پر مینوفیکچرنگ کرواکر مارکیٹ میں فروخت کی جارہی ہیں جس سے کروڑوں روپے کی مزید ٹیکس چوری ہورہی ہے حکام کا کہنا ہے کہ فارول کاسمیٹکس کمپنی کے جن بڑے ڈسٹری بیوٹرز کا سراغ لگایا گیا ہے۔

ان میں کراچی میں ڈسٹری بیوٹر اے یو ٹریڈرز و انکے مالکان توفیق احمد انکے پارٹنر ایم این ٹریڈرز کے ارشد،حیدر آباد میں ریئل مارکیٹنگ کے مجید اور شاہد،سکھر میں پاک جنرل اسٹورز کے محمد کاشف،ملتان میں آئیڈیل ٹریڈرز کے محمد طارق،ملتان اور خانیوال میں مزمل ٹریڈرز اور انتظار ٹریڈرز،لاہور میں حسن ٹریڈر اور ایچ کیو ٹریڈرز،پشاور میں طارق ٹریڈرز جبکہ راولپنڈی میں سیپ انٹرنیشنل شامل ہیں۔

ذرائع کا کہنا ہے کہ جن جن ڈسٹری بیوٹرز بارے معلومات مل رہی ہیں ایف بی آر کی طرف سے انہیں نوٹس جاری کئے جارہے ہیں اور اب تک تقریبا آٹھ ڈسٹری بیوٹرز کو نوٹس جاری کئے گ گئے ہیں ان سے تمام ریکارڈ سمیت دیگر درکار دستاویزات پر مبنی جواب طلب کئے جارہے ہیں۔

ذرائع کا کہنا ہے کہ ان ڈسٹری بیوٹرز کا ایف بی آرر اور پرال سے بھی ڈیٹا لیا جارہا ہے جس میں چیک کیا جارہا ہے کہ کتنے ڈسٹری بیوٹرز سیلز ٹیکس رجسٹریشن نمبر رکھتے ہیں ذرائع کا کہنا ہے کہ دوران تحقیقات سیلز ٹیکس رجسٹریشن معطل ہونے کے باوجو د فارول کاسمیٹکس نامی کمپنی کی جانب سے وائنڈرز کے ذریعئے مصنوعات تیار کرکے سپلائی کرنے کا انکشاف ہوا ہے اور ان مصنوعات پر ٹیکس بھی اد ا نہیں کیاکیا جارہا ہے ایف بی آر نے تحقیقات کا دائرہ کار وسیع کردیا ہے اور کروڑوں روپے کی مبینہ ٹیکس چوری میں ملوث کاسمیٹکس کمپنی ڈسٹری بیوٹرزکے بینک اکاونٹس کی تفصیلات سمیت دیگر کوائف جمع کرنا شروع کردیئے ہیں۔

ذرائع کے مطابق ایف بی آر کے ماتحت ادارے ڈائریکٹریٹ جنرل اینٹلی جننس اینڈ انویسٹی گیشن ان لینڈ ریونیو نے مبینہ طور پر بھاری ٹیکس چوری میں ملوث بائیو آملہ شیمپو اور ہیئر آئل بنانے والی فارول کاسمیٹکس نامی کمپنی کے خلاف تحقیقات شروع کررکھی ہیں تحقیقات کے دوران ایف بی آر کی طرف سے کمپنی کی سیلز ٹیکس رجسٹریشن معطل ہونے کے باوجو کمپنی کے مینجنگ پارٹنر محمد اویس کی جانب سے دوسرے صوبوں سے وائنڈرز کو آوٹ سورس کرکے اسی برانڈ کی مصنوعات تیار کرکے فروخت کئے جانے کا انکشاف ہوا ہے جس کا نہ کوئی ریکارڈ ہے اور نہ ہی اس پر سیلز ٹیکس و دیگر ٹیکس ادا کئے جارہے ہیں۔

ذرائع کا کہنا ہے دوران تحقیقات معلوم ہوا ہے کہ فارول کاسمیٹک کمپنی ایف بی آر کی جانب سے سیلز ٹیکس معطل کئے جانے کے بعد چونکہ اپنی فیکٹریوں سے مصنوعات تیار نہیں کرسکتی تھی اس لئے وائنڈرز کے ذریئعے بائیو آمہ شیمپو اور ہیر آئل سمیت کمپنی کی دیگر مصنوعات غیر قانونی طور پر تیار کرواکر کر فروخت کی جارہی ہیں اور ان اشیاء کی مینوفیکچرنگ و فروخت پر بھی بھاری سیلز ٹیکس چوری کی جارہی ہے۔

ایف بی آر حکام کا کہنا ہے کہ کمپنی کی طرف سے جن لوگوں کے ذر یعے مصنوعات غیر قانونی طور پر تیار کروائی جارہی ہیں ان کے بارے میں بھی معلومات حاصلکرنے کی کوشش کی جارہی ہے اور اگلے مرحلے میں انکو نوٹس جاری کئے جائیں گے واضع رہے کہ اس سے قبل ایف بی آر کی طرف سے اس کمپنی کے مینجنگ پارٹنر محمد اویس کے فیملی ممبر ذکاءالدین کی طرف سے فارول کاسمیٹکس پرائیویٹ لمیٹڈ کے نام سے چلائی جانیوالی کمپنی کے ایک ارب روپے کے لگ بھگ مالیئت کی ٹیکس چوری پر بینک اکاونٹس و ٹریڈ مارک منجمد کی جاچکی ہے اور ٹیکس واجبات کی ریکوری کیلئے فارول کاسمیٹک پرائیویٹ لمیٹڈ کے مالکان کے نام ایف بی آر کی طرف سے اٹیچ کردہ جائیداد نیلامی کے مرحلے میں ہے۔

٭۔۔۔۔۔۔۔۔۔۔۔۔
نوٹ: قلب نیوز ڈاٹ کام ۔۔۔۔۔ کا کسی بھی خبر اورآراء سے متفق ہونا ضروری نہیں. اگر آپ بھی قلب نیوز ڈاٹ کام پر اپنا کالم، بلاگ، مضمون یا کوئی خبر شائع کر نا چاہتے ہیں تو ہمارے آفیشیل ای میل qualbnews@gmail.com پر براہ راست ای میل کر سکتے ہیں۔ انتظامیہ قلب نیوز ڈاٹ کام