افغانستان سے انخلا امریکہ کےلیے بہترین فیصلہ ہے. جوبائیڈن

واشنگٹن . امریکی صدر جو بائیڈن نے امریکہ افغانستان سے انخلا کا دفاع کرتے ہوئے کہا کہ امریکہ کے لیے بہترین فیصلہ قرار دیا ہے اور کہا ہے کہ امریکہ کو دہشت گردی کا مقابلہ کرنے کے لیے زمین پر فوجی درکار نہیں۔

امریکی صدر کا کہنا ہے کہ امریکا کی طویل ترین افغان جنگ کا خاتمہ ہوگیا، افغانستان میں داعش کی کمر توڑ دی لیکن افغانستان میں‌ دہشت گردوں‌ کے خلاف جنگ جاری رہے گی۔

افغانستان سے فوجی انخلا کے بعد امریکی صدر جوبائیڈن نے قوم سے خطاب کرتے ہوئے کہا کہ کابل سے فوجیوں، شہریوں کے خطرناک انخلا کا چیلنج پورا کیا، 30 ہزار افغان فوجیوں کو 20 سال میں تربیت دی، افغان جنگ کے خاتمے کا فیصلہ میں نے کیا، کابل کی سیکیورٹی کے لیے 6 ہزار امریکی فوجیوں کی تعیناتی کی منظوری دی۔

امریکی صدر نے کہا کہ 17 دن پہلے جب انخلا کا فیصلہ کیا تو حالات کا باریکی سے جائزہ لیا، داعش کے حملے میں ہلاک 13 امریکی فوجیوں کا کوئی نعم البدل نہیں، امریکی افواج کی افغانستان میں قربانیوں کو ہمیشہ یاد رکھیں گے۔

امریکہ کو نقصان پہنچانےوالوں کو قیمت ادا کرنی ہوگی جو افراد امریکہ کو نقصان پہنچانا چاہتےہیں، وہ جان لیں کہ امریکہ کبھی بھی سکون سےنہیں بیٹھےگا۔ ہم کبھی معاف نہیں کریں گے، بھولیں گےنہیں، ہم آپ کو دنیا کےکسی بھی کونے سےپکڑیں گے اور آپ کو اس کی قممت اداکرنی ہوگی۔

جوبائیڈن نے کہا کہ امریکی فوج نے خطرناک مشن احسن طریقے سے پورا کیا، سلامتی کونسل نے بھی طالبان کو وعدے پورے کرنے کی تاکید کی، طالبان نے خود انخلا کے لیے محفوظ راستہ دینے کا وعدہ کیا تھا، افغانستان سے جو بھی جانا چاہے اسے اجازت ہو طالبان وعدہ پورا کریں، طالبان کے بیانات پر یقین نہیں ان کے عمل کو دیکھیں گے۔

انہوں نے کہا کہ امریکی شہری 100 سے 200 اب بھی افغانستان سے انخلا چاہتے ہیں، جو امریکی شہری افغانستان سے نکلنا چاہیں گے ان کی مدد کریں گے۔

امریکی صدر نے کہا کہ اندازہ نہیں تھا اشرف غنی افغانستان سے فرار ہوجائے گا، افغانستان سے انخلا کے فیصلے کی پوری ذمہ داری لیتا ہوں، افغانستان سے انخلا کا فیصلہ سول اور عسکری قیادت نے مشترکہ کیا تھا۔

٭۔۔۔۔۔۔۔۔۔۔۔۔
نوٹ: قلب نیوز ڈاٹ کام ۔۔۔۔۔ کا کسی بھی خبر اورآراء سے متفق ہونا ضروری نہیں. اگر آپ بھی قلب نیوز ڈاٹ کام پر اپنا کالم، بلاگ، مضمون یا کوئی خبر شائع کر نا چاہتے ہیں تو ہمارے آفیشیل ای میل qualbnews@gmail.com پر براہ راست ای میل کر سکتے ہیں۔ انتظامیہ قلب نیوز ڈاٹ کام